Karatagan Bandung Barat

Karatagan Bandung Barat

Bandung Barat hudang tandang berjuang
Ngawangun negeri jembar waluya
Ngawangun praja warisan purwa
WIbawa Mukti Kerta Raharja
Sugih pamukti nyantri nyakola
Nyunda nyatana nanjer komara
Nyangga budaya ngadep wibawa
Luhur ajena agung bangsana
Sehat lahirna sehat batinna
Jagjag waringkas jiwa santika
Bandung Barat sayaga
Bandung Barat sawawa
Bandung Barat jaya

Tokecang

Tokecang

Tokecang tokecang bala gendir tosblong

Angeun kacang angeun kacang sapependil kosong

Aya listrik di masigit meuni caang katingalna

Aya istri jangkung alit karangan dina pipina

Tokecang tokecang bala gendir tosblong

Angeun kacang angeun kacang sapependil kosong

Pileuleuyan

Pileuleuyan

Hayu batur hayu batur

Urang kumpul sarerea

Hayu batur hayu batur

Urang sosonoan heula

Pileuleuyan pileuleuyan

Sapu nyere pegat simpay

Pileuleuyan pileuleuyan

Paturay patepang deui

Amit mundur amit mundur

Amit ka jalma nu rea

Amit mundur amit mundur

Da kuring arek ngumbara

cipt. Mus K. Wirya

Peuyeum Bandung

Peuyeum Bandung

Dimana-mana

Di kampung di kota

Tos kakoncara

Ku nikmat rasana

Sampeu asalna

Teu direka-reka

Naon namina

Duh matak kabita

Peuyeum Bandung kamashur

Pangaosna teu luhur

Ku sadaya kagaleuh

Sepuh jeung murangkalih

Mangga cobian

Bilih panasaran

Peuyeum ti Bandung

Henteu sambarangan

Mojang Priangan

Mojang Priangan

Angkat ngagandeuang

Bangun taya karingrang

Nganggo sinjang dilamban

Mojang priangan

Mun di erok denok

Mun disanggul ayu

Mun disinjang lenjang

Mojang priangan

Diraksukan kabaya

Nambihan cahayana

Dangdosan sederhana

Mojang priangan

Umat-imut lucu

Sura-seuri nyari

Larak-lirik keupat

Mojang Priangan

Mojang ti Priangan

Lucu sae atikan

Sae basa sopan

Mojang Priangan

Manuk Dadali

Manuk Dadali

Mesat ngapung luhur jauh di awang-awang

Meberkeun jangjangna bangun taya karingrang

Sukuna ranggaos reujeung pamatukna ngeluk

Ngapak mega bari hiberna tarik nyuruwuk

Saha anu bisa nyusul kana tandangna

Gandang jeung pertentang taya bandingannana

Dipikagimir dipikaserab ku sasama

Taya karempan kasieun leber wawanenna

chorus

Manuk Dadali manuk panggagahna

Perlambang sakti Indonesia Jaya

Manuk Dadali pangkakon carana

Resep ngahiji rukun sakabehna

Hirup sauyunan tara pahiri-hiri

Silih pikanyaah teu inggis bela pati

Manuk dadali ngandung siloka sinatria

Keur sakumna Bangsa di Nagara Indonesia

Cipt. Sambas Mangundikarta

Karatagan Pahlawan

Karatagan Pahlawan

Teu honcewang sumoreang

Tekadna pahlawan bangsa

Cadu mundur pantrang mulang

Mun maksud tacan laksana

Berjuang keur lemah cai

Lali rabi tur tegang pati

Taya basa menta pamulang tarima

Iklas rido keur korban merdeka

Sinatria danalaga

Bela bangsa jeung nagara

Dibarengan tekad suci

Berjuang keur lemah cai

Teu ngingetkeun ka dirina

Asal nagri bangsa waluya

Kadar jembar raharja mukti wibawa

Gembleng tujuan Pahlawan Bangsa

Es Lilin

Es Lilin

Es lilin mah didorong-dorong

dibantun mah dibantun ka Sukajadi

abdi isin dunungan samar kaduga

sok inggis mah aduh henteu ngajadi

Es lilin mah ceuceu buatan Bandung

dicandak mah geuning ka Cipaganti

abdi isin jungjunan duh bararingung

sok inggis mah aduh henteu ngajadi

Itu saha dunungan nu nungtun munding

digantelan geuning ku saputangan

itu saha dunungan ku ginding teuing

sing horeng mah aduh geuning jungjunan

Es lilin mah ceuceu dikalapaan

raosna mah geuningan kabina-bina

abdi alim dunungan paduduaan

sok sieun mah dibantun kamana-mana

Kamana mah geuningan ngaitkeun kincir

ka kaler mah ka kaler katojo bulan

kamana mah dunungan ngaitkeun pikir

moal paler geuningan da ku sabulan

Colenak

Colenak

Urang tuang colenak

raos seger matak sehat kana awak

pangaosna cukup ku sapuluh perak

moal rugi ngaluarkeun eusi pesak

Colenak dicocol enak

anu ompong oge teurak

mangga geura carobian

colenak beuleum dadakan

Colenak peuyeum Bandung

katuangan sederhana istimewa

cacah menak sagala pada misuka

moal puyeng najan seep tilu piring

Colenak dicocol enak

kakoncara sabuana

kaolahan urang Sunda

warisan kolot baheula

Borondong Garing

Borondong Garing

Borondong garing

ider kota pilemburan

mekar lumaku diri

anu dagang bari mimitran

Borondong garing

haleuang katineung ati

jerit ciptaning ati

jeung hiliwirna angin peuting

Oleh-oleh Priangan di lingkung gunung

Majalaya Soreang Banjaran Bandung

hate jongjon lugina anu dikantun

narik ati matak luas nu ngabantun

Ayang Ayang Gung

Ayang Ayang Gung

Ayang ayang gung
Gung goongna rame
Menak ki mas tanu
Nu jadi wadana
Naha maneh kitu
Tukang olo-olo
Loba anu giruk
Ruket jeung kumpeni
Niat jadi pangkat
Katon kagorengan
Ngantos kanjeng dalem
Lempa lempi lempong
Ngadu pipi jeung nu ompong
Jalan ka Batawi ngemplong